Ճամբարի երկրորդ օրը սկսվեց Ագարակում։ Սկզբում շրջեցինք և ծանոթացանք կենդանիների հետ, որից հետո խմբերի բաժանվեցին և կատարեցինք պարտեզային աշխատանքներ։ Ընկեր Էդմոնը յուրաքանչյուր խմբի հանձնարարական տվեց։ Ինձ էր վստահված այգու կանաչ հատվածի աշխատանքը ՝ հնձումը, ինչպես նաև խնամեցինք Պոնիին։
Այսօր նույնպես ունեինք ժողովրդական օպերա տիկին Մարինեն սովորեցրեց նոր պար։ Մի լավ երգելուց և պարելուց հետո, սկսվեց շախմատի ժամը, որը անցկացնում է Առնոլդ Միքայելյանը։ Սովորեցինք շախմատի հիմնական կանոնները, ֆիգուրների համեմատական արժեքները, պատը, շախ և մատը։ Ընդմիջումից հետո մեզ էր սպասում պարոն Գևորգ Հակոբյան, զրուցեցինք, յուրաքանչյուրս պատմեց իր և ուսումնական տարիների հետաքրքիր դրվագների մասին, որից հետո մեզ տրվեց հանձնարարություններ։ Իսկ վերջում Տաթև Բլեյանի հետ խոսեցինք Արատեսում ճամբարի մասին։
Անի Ենգոյան 