Рубрика: 2020-2021թթ․ աշխատանքային նախագծեր

Թթուդրիկը մեր սիրելի ծեսերից է: Սիրով և հավեսով ենք նախապատրաստվում: Նախ պատրաստեցինք թթվի հերոսներին, այնուհետև գրեցինք անհրաժեշտ մթերքի ցանկը և երգով, խաղով, շուտասելուկներ հորինել-ասելով գնացինք գնումների:Գնեցինք անհրաժեշտ մթերքն ու եկանք լվանալու, այնուհետև ընկեր Գրետայի հետ զրուցեցինք թե ինչ մթերքներ ենք գնել, քանի կիլոգրամ է, մաթեմատիկական հաշվումներ կատարեցինք։

Читать далее ««Թթուդրիկ» ի — հավես ծեսը մեր ճամբարում» →

Միջդասարանական խաղ-մրցույթ

Նախագծի մասնակիցներ՝ 3-րդ և 4- 5-րդ դասարանների երկարացված օրվա  ճամբարականներ

Ժամկետը՝  Նոյեմբեր

Նպատակը և խնդիրները՝

• Նպաստել համագործակցային, խմբային կարողությունների զարգացմանը
• Բացահայտել նոր մարզական խաղեր:

Անհրաժեշտ պարագաները՝

• Գնդակներ
• Օղակներ
• Բուլավաներ

Ընթացքը՝

• Մարզական խաղերը մեծ հետաքրքրություն են առաջացնում սովորողների մոտ: Մարզական խաղերը նպաստում են սովորողների ֆիզիկական ակտիվության և ճկունության զարգացմանը, խաղերի շնորհիվ նրանց օրը դառնում է հետաքրքիր և հագեցած: Խաղերը ընտրվում են հաշվի առնելով սովորողների տարիքը և մարզական հետաքրքրությունները:

Մարզական խաղերի նկարագրություն՝

• Սովորողները բաժանվում են երկու խմբի, որից հետո յուրաքանչյուր խմբին հատկացվում են մի քանի օղակներ: Յուրաքանչյուր խմբում սովորողներից մի քանիսը բռնում են օղակները, իսկ մնացած մասնակիցները ըստ հերթականության անցնում են օղակների միջով ՝ առանց դիպչելու: Կհաղթի այն խումբը, ով առաջինը կհասնի պատին:
• Սովորողները բաժանվում են երկու խմբի, որից հետո ներկայացնում ենք խաղի կանոնները: Այնուհետև սովորողները պետք է իրենց առջև շարված օղակների միջով ցատկելով հասնեն և դիպչեն վերջում դրված բուլավաներին: Կհաղթի այն խումբը, ով առաջինը կհասնի բուլավային և կպահպանի խաղի կանոնները:
• Առաջին խաղացողը 4-անիվանի հեծանիվով՝ չկպնելով շրջանցում է արգելքները, հասնում է նշված եզրագծին, թողնում է հեծանիվը և վազքով վերադառնում: Մյուս մասնակիցը վազքով գնում է՝ հեծանիվով ետ վերադառնում: Նույնը կրկնում են շարքում կանգնած բոլոր մասնակիցները:
• Մարզական խաղերի նկարագրություն՝ Երկու խմբեր մրցում են իրար դեմ: Յուրաքանչյուր խմբին մեկական օղակ և գնդակ է հատկացվում: Օղակի մեջ պետք է մտնեն երեք հոգով, որի մեջտեղում կանգնած խաղացողը գնդակը վարելով պետք է զիգզագաձև շրջանցի բուլավաները մինչև պատը, իսկ վերադառնալիս երեքով գնդակը պետք է պահեն՝ առանց ձեռքերի օգնության: Հասնելով շարքին՝ արագ պետք է օղակը և գնդակը փոխանցել հաջորդ եռյակին:

Ո՞ւր գնացին ծաղիկները:
– Սո՛ւս, քնած են հողի տակ,
Տաք ծածկըված ողջ ձմեռը
Ձյուն-ծածկոցով սպիտակ:
Կըգա գարնան արևն էլ ետ
Իր շողերով կենդանի,
Ձմռան սաստիկ ցրտերի հետ
Ձյան-ծածկոցը կըտանի:
«Ելե՜ք, կասի, իմ մանուկնե՛ր».
Ու հենց նրանք իմանան,
Դուրս կըհանեն գլխիկները,
Աչիկները կըբանան:

Ձմեռային մարզական ստուգատես․ ճամփորդություն

Արևմտյան դպրոցի ճամաբարականները շատ են սիրում ճամփորդել։ Այս անգամ եղանք՝«Ջրվեժ» արգելոցում։ Կարծես հեքիաթում լինեինք, սովորողների առաջին բացկանչություն էր․

— Ջա՜ն ձյուն։ Ինչքան շատ ձյուն կա։

Ընկեր Միքայելի օգնությամբ սահեցինք սահնակով։  Խաղացինք տարբեր ձմեռային մարզախաղեր, դդմագլոր։

Մանրամասները ՝ տեսանյութում։

Այսօր՝ ձմեռային ճամբարի շրջանակներում, կատարեցինք բնագիտական փորձ: Սովորողները շատ են սիրում բնագիտական փորձեր կատարել և այնքան էին ոգևորվել, որ որոշեցին տանն էլ կատարել այս փորձը։

Նախագծի իրականացման ժամանակահատվածը՝ հունվարի 11-31

Մասնակիցներ՝ երկարացված օրվա տարատարիք սովորողներ

Նախագծի նպատակը ՝

• Մասնակցություն մարմնամարզական, բնագիտատեխիկական ստուգատեսներին
• Իրականացնել սովորող-սովորեցնող նախագծեր
• Նպաստել առողջ ապրելակերպի, ֆիզիկակական ակտիվության, ճկունության, շարժունակության, դիմացկունության, արագաշարժության բարձրացմանը:

Իրականացվող նախագծեր՝

• Մարմնամարզություն
• Բնագիտական փորձեր
• Սովորող- սովորեցնող
• Ազգային խաղեր