Անի Ենգոյան

Ինչպե՞ս միանալ հեռավար դասին Microsoft Teams հարթակում

Սիրելի՛ սովորող, հեռավար դասին միանալու համար հետևի՛ր ստորև ներկայացված քայլերին։

Քայլ 1․ Բացիր դասի հղումը

Սեղմի՛ր ստորև նշված հղմանը՝

4․1 դասարան- Միանալ հեռավար դասին

4․2 դասարան- Միանալ հեռավար դասին

4․3 դասարան- Միանալ հեռավար դասին

Միանալ հեռավար դասին

Հղումը բացել դասից 5–10 րոպե առաջ։

Քայլ 2․ Ընտրիր միանալու տարբերակը

Հղումը բացելուց հետո կարող են հայտնվել հետևյալ տարբերակները․

• Continue on this browser — շարունակել բրաուզերում՝ առանց ծրագիր տեղադրելու։
• Join on the Teams app կամ Open Microsoft Teams — միանալ Teams հավելվածով։

Եթե համակարգչով ես միանում, կարող ես ընտրել բրաուզերով շարունակելու տարբերակը։ Հեռախոսով միանալու դեպքում անհրաժեշտության դեպքում տեղադրի՛ր Microsoft Teams հավելվածը։

Քայլ 3․ Մուտքագրիր անունդ և ազգանունդ

Եթե հարթակը պահանջում է մուտքագրել անունը, գրի՛ր քո իրական անունն ու ազգանունը, որպեսզի ուսուցիչը կարողանա ճանաչել քեզ։

Եթե պահանջվում է մուտք գործել հաշիվ կամ հաստատել էլեկտրոնային փոստը, հետևի՛ր էկրանին ցուցադրվող հրահանգներին։

Քայլ 4․ Ստուգիր խոսափողն ու տեսախցիկը

Մինչև դասին միանալը՝

• Ստուգի՛ր խոսափողը։
• Անհրաժեշտության դեպքում միացրո՛ւ տեսախցիկը։
• Համոզվի՛ր, որ ձայնը միացված է։
• Ստուգի՛ր ինտերնետ կապը։

Եթե բրաուզերը թույլտվություն է խնդրում օգտագործելու խոսափողն ու տեսախցիկը, սեղմի՛ր Allow (Թույլատրել)։

Читать далее «ՈՒղեցույց» →

1. Ինչո՞ւ նախամարդն ընտրեց հենց Հայկական լեռնաշխարհը

Շատ-շատ տարիներ առաջ, երբ դեռ չկային քաղաքներ, տնակներ ու մեքենաներ, մարդիկ ապրում էին բնության մեջ։ Հայկական լեռնաշխարհը նախնադարյան մարդու համար իսկական հրաշք էր։ Այստեղ կային շատ սառնորակ աղբյուրներ, գետեր, շատ օգտակար բույսեր, պտղատու ծառեր և բազմաթիվ կենդանիներ։ Բացի այդ, մեր լեռներում կար կայծքար և վանակատ (օբսիդիան), որոնք շատ ամուր քարեր էին։ Նախամարդիկ դրանցից պատրաստում էին իրենց առաջին գործիքները, դանակներն ու որսորդական նիզակները։ Այսպիսով՝ մեր բնությունը տալիս էր այն ամենը, ինչ անհրաժեշտ էր ապրելու համար։

2. Որտե՞ղ և ինչպե՞ս էր ապրում նախամարդը

Սկզբում նախամարդիկ տներ կառուցել չգիտեին։ Ձմռան ցրտից, քամուց և վտանգավոր գիշատիչ կենդանիներից պաշտպանվելու համար նրանք ապրում էին բնական քարանձավներում (օրինակ՝ Արենիի քարանձավում կամ Ազոխի քարանձավում)։ Քարանձավի մուտքի մոտ նրանք կրակ էին վառում։ Կրակը նրանց տաքացնում էր, լուսավորում քարանձավը, վախեցնում վայրի կենդանիներին և օգնում, որ միսն ավելի համեղ ու հեշտ մարսվող պատրաստեն։

3. Ինչո՞վ էր զբաղված նախամարդը

Նախամարդկանց հիմնական գործը սնունդ հայթայթելն էր։ Կանայք և երեխաները զբաղվում էին հավաքչությամբ՝ անտառներից ու դաշտերից հավաքում էին ուտելի արմատներ, հատապտուղներ, մրգեր ու ընկույզներ։ Տղամարդիկ զբաղվում էին որսորդությամբ և ձկնորսությամբ։ Նրանք միասին որսում էին վայրի այծեր, եղջերուներ, իսկ ավելի ուշ սովորեցին նաև ընտելացնել կենդանիներին ու զբաղվել հողագործությամբ։ Այս ամենը մենք իմանում ենք քարանձավներում նախնադարյան մարդկանց կողմից արված նկարներից՝ ժայռապատկերներից։

Ինչպե՞ս առաջացան ցեղերը, ազգերը և պետությունները

Սկզբում մարդիկ ապրում էին փոքր խմբերով՝ մարդկային հոտերով։ Ժամանակի ընթացքում, երբ ընտանիքները մեծացան, մոտ ազգականները միավորվեցին և ձևավորեցին տոհմեր։ Մի քանի տոհմեր, որոնք ապրում էին կողք կողքի և խոսում էին նույն լեզվով, միավորվեցին և դարձան ցեղ։ Ցեղերն ունեին իրենց առաջնորդ ղեկավարները։
Երբ ցեղերը սկսեցին ավելի շատ շփվել, առևտուր անել և միասին պաշտպանվել թշնամիներից, միասին մեծ խումբ դարձան։ Իսկ որպեսզի այդ մեծ ազգերի մեջ լիներ կարգուկանոն, օրենքներ և պաշտպանություն, ստեղծվեցին պետությունները (օրինակ՝ Վանի թագավորությունը կամ Մեծ Հայքը)։

1. Ո՞րն էր Կոմիտասի իսկական անունը

• Սողոմոն Սողոմոնյան
• Գևորգ Սողոմոնյան
• Մակար Եկմալյան

2. Որտե՞ղ է ծնվել Կոմիտասը։
○ Երևանում
○ Կուտինայում
○ Փարիզում

3. Ո՞րն էր Կոմիտասի հայրիկի մասնագիտությունը։
○ Բժիշկ
○ Ուսուցիչ
○ Կոշկակար

4. Ի՞նչ էր սիրում անել Կոմիտասը։
○ Երգել
○ Նկարել
○ Լողալ

5. Ո՞ւր տարան Կոմիտասին սովորելու։
○ Էջմիածին
○ Փարիզ
○ Լոնդոն

6. Ինչո՞ւ Կոմիտասին ընտրեցին որբ երեխաներից։
○ Նա շատ լավ էր երգում
○ Նա շատ արագ էր վազում
○ Նա լավ էր նկարում

7. Կոմիտասը սկզբում ի՞նչ լեզվով էր խոսում։
○ Ֆրանսերեն
○ Թուրքերեն
○ Ռուսերեն

8. Ի՞նչ ասաց Կոմիտասը, երբ նրան խնդրեցին խոսել հայերեն։
○ «Չեմ ուզում խոսել»
○ «Ես հայերեն չեմ խոսում, եթե ուզում եք՝ կերգեմ»
○ «Ես հետո կխոսեմ»

9. Ի՞նչ էր հավաքում և գրի առնում Կոմիտասը Հայաստանի տարբեր վայրերում։
○ Հեքիաթներ
○ Ժողովրդական երգեր ու մեղեդիներ
○ Նկարներ

10. Ո՞ր երաժշտական գործիքի էր լավ տիրապետում Կոմիտասը։
○ Սրինգի
○ Ջութակի
○ Շեփորի

Ազգանուն հայերեն բառը բացատրվում է որպես ազգի անուն : Բայց ազգանվան ծագման հենց սկզբում ազգային անուններ չեն եղել , քանի որ մարդիկ ապրում էին փոքր խմբերով ,  միմյանցից առանձին , բայց բոլորն իրար լավ ճանաչում էին : Իսկ եթե ստացվում էր այնպես , որ նույն բնակավայրում ապրում էին մի քանի Արամ , կամ Անահիտ , ապա նրանց միմյանցից տարբերվում էին տարբեր կերպ , օրինակ ԳԱՌՆԻԿԻ ԹՈՌ ԱՐԱՄ, կամ գտնում էին նրանց բնութագրող հատկանիշներ ,օրինակ ԿԱՂ ՀՄԱՅԱԿ կամ ՀԱՄԵՍՏ ԱՆԱՀԻՏ:

 Քաղաքների առաջացման հետ մեկտեղ , երբ արհեստավորությունն առանձնացավ հողագործությունից , զարգացավ նաև առևտուրը և մարդիկ ստիպված էին տեղաշարժվել մի տեղանքից մյուսը : Հենց այդ ժամանակ էլ անհրաժեշտություն առաջացավ ազգանունների ստեղծման , քանի որ մարդկանց արդեն հնարավոր չէր ճանաչել ըստ նրանց բնութագրող հատկանիշների կամ այսպես կոչված ածական անունների:

 Այդ ժամանակ հիմնականում , անունների հետ մեկտեղ օգտագործվում էր այն տեղանքի անունը , որտեղ ծնվել էր տվյալ մարդը , օրինակ ԱՆԱՆԻԱ ՇԻՐԱԿԱՑԻ,ԳՐԻԳՈՐ ՏԱԹԵՎԱՑԻ և այլն: Անանիա, ով ծնվել է Շիրակում, կամ Գրիգոր, ով ծնվել է Տաթևում։ 

Կամ  մարդու անվան հետ միասին օգտագործվում էր նրա գործունեությունը կամ մասնագիտությունը, օրինակ՝ ՄԿՐՏԻՉ ՆԱՂԱՇ-  նկարիչ, զարդանկարիչ, ԳՐԻԳՈՐ ՄԱԳԻՍՏՐՈՍ վարդապետ, հոգևորական ։

Ժամանակի ընթացքում,արդեն հին և միջին դարերում,ազնվական ընտանքներն անպայման ազգանուններ ունեին-Արծրունի , Ամատունի , Մամիկոնյաններ , Ռշտունի : Հետագայում , արդեն ազգանուններին ավելացվում էին նաև տոհմանունները , անուն ազգանուններին ավելացվում էին«ազգ»,«տոհմ»,«տուն» բառերը : Օրինակ Արծրունյաց տուն,Մամիկոնյաց տոհմ, Ռշտունյաց տոհմ և այլն:

 Անցան ժամանակներ , կյանքն  էլ սկսեց փոխվել, նոր օրենքներ ըդունվեցին և արդեն ոչ իշխանական մարդիկ, քաղաքացիները ևս ազգանունների կարիք ունեին : Ստացվում էր այնպես, որ մի ազգից  մի քանի մարդ,կամ էլ սերնդե-սերունդ այնքան էին հմտանում այս կամ այն արհեստի մեջ , որ նրանց արդեն սկսում էին ազգանվանել այդ արհեստի կոչմամբ :
Օրինակ՝ Ոսկերչյան, Հացթուխյան, Քարտաշյան, Դարբինյան։

 Ազգանուններ էին տրվում նաև մարդու արտաքին հատկանիշների հիման վրա,
օրինակ՝ Ճաղատյան,Կարճիկյան և այլն:

 Հիմնականում հայկական ազգանուններն առաջանում էին տվյալ  ազգի հեղինակավոր անձի անվանը ավելացնելով -յան,-յանց,-ենց,-ունց,-ոնց,-ունի:

 Առավել տարածված են -յան վերջավորությամբ ազգանունները:
-յան վերջավորությունը -յանց,-ենց ածանցների կրճատ ձևն է.այն նշանակում է այս կամ այն տոհմին տվյալ անձի պատկանեուլթյունը:

• Ունիվերջածանցով ազգանունները հին և միջին դարերում պատկանում էին նախարարական տների ներկայացուցիչներին-Ամատունի,Բագրատունի,Արծրունի և այլն:
• Ենց,-ունց-ովավարտվող ազգանունները լայն տարածում ունեյին Զանգեզուրում/ՍՅունիքումէ գտնվում/ ,օրինակ՝ Ադոնց,Բակունց և այլն:

Ազգանունների առաջացման ստուգաբանությամբ զբաղվում են լինգվիստները-լեզվաբանները :
Եվ շատ հաճախ նրանք գտնում են շատ արժեքավոր և հետաքրքիր պատմական նմուշներ և կարևոր տեղեկությւոններ: Իսկ ազգանունների մասին գիտությունը կոչվում է օնոմաստիկա:

Մարդկանց միշտ հետաքրքրում է իրեց անվան և ազգանվան նշանակությունը : Դրանք շատ բազմազան են լինում : Հաճախ զվարճալի , տարօրինակ , իսկ երբեմն նաև ուղղակի իմաստ չեն ունենում:

Պատասխանել հարցերին

1. Ի՞նչ բնական բարիքներ կային Հայկական լեռնաշխարհում, որոնք գրավեցին նախամարդուն։
2. Ի՞նչ քարերից էին պատրաստում առաջին գործիքները, և ինչո՞ւ հենց այդ քարերից։
3. Որտե՞ղ էին ապրում նախամարդիկ, և ի՞նչ դեր ուներ կրակը նրանց կյանքում։
4. Ինչո՞վ էին զբաղվում կանայք ու երեխաները, և ինչո՞վ՝ տղամարդիկ։
5. Որտե՞ղից մենք գիտենք նախամարդկանց կյանքի և զբաղմունքների մասին։

Լրացրու բաց թողնված բառերը

Լրացրու բաց թողնված բառերը՝ օգտվելով տեքստից.

1. Նախամարդիկ իրենց առաջին գործիքները պատրաստում էին _______________ և _______________ քարերից։
2. Ցրտից և վտանգավոր կենդանիներից պաշտպանվելու համար նրանք ապրում էին բնական _______________-ում։
3. Կանայք և երեխաները զբաղվում էին _______________-ով, իսկ տղամարդիկ՝ _______________-ով և _______________-ով։
4. Մարդկանց կյանքի մասին պատմող քարանձավային նկարները կոչվում են _______________։

Լրացուցիչ ստեղծագործական առաջադրանք

Եթե դու հայտնվեիր նախնադարյան քարանձավում, ի՞նչ նկար կնկարեիր ժայռի վրա, որպեսզի ապագայի մարդիկ իմանային քո մասին։ Նկարագրիր կամ նկարիր այն։

1. Ի՞նչ է Գերդաստանը

Գերդաստանը մեր մեծ ու սիրելի ընտանիքն է։ Դա միայն մայրիկը, հայրիկը, քույրիկն ու եղբայրը չեն։ Գերդաստանի

մեջ մտնում են նաև մեր տատիկներն ու պապիկները, մեր մորաքույրները, հորաքույրները, քեռիներն ու

հորեղբայրները, ինչպես նաև նրանց երեխաները՝ մեր մորաքրոջ կամ քեռու տղաներն ու աղջիկները։ Պատկերացրու՝

գերդաստանը մի մեծ թիմ է, որտեղ բոլորն իրար շատ են սիրում, օգնում են ու իրար կողքի են տոներին, կարևոր իրադարձությունների ժամանակ, ուրախ ու տխուր օրերին։

2. Որտե՞ղից է առաջացել մեր ազգանունը

Դու երբևէ մտածե՞լ ես, թե որտեղից է առաջացել քո ազգանունը։ Շատ տարիներ առաջ, երբ մարդիկ ազգանուններ

չունեին, իրար ճանաչելու համար ասում էին, օրինակ՝ «Արամի տղա Դավիթը» կամ «Դարբին Հակոբը»։ Ժամանակի ընթացքում մեծ պապիկների անուններից կամ նրանց արհեստից առաջացան ազգանունները։ Հայկական ազգանունների վերջում հաճախ ավելանում է «յան» մասնիկը, որը նշանակում է «սերունդ» կամ «որդի» կամ պատկանել այս ինչ տոհմին-ազգին։ Օրինակ՝ Սարգսյան նշանակում է Սարգսի սերունդից ծնված։

3. Ի՞նչ է Տոհմածառը

Տոհմածառը նկարված ծառ է, որի ճյուղերի վրա նկարում կամ գրում ենք մեր ընտանիքի անդամների անունները։

Ծառի արմատներում մեր մեծ պապիկներն ու տատիկներն են, ովքեր ապրել են շատ տարիներ առաջ։ Բնի և հաստ ճյուղերի վրա մեր տատիկներն ու պապիկներն են, հետո՝ մեր մայրիկն ու հայրիկը, իսկ ամենավերևի կանաչ ու թարմ տերևները հենց ՄԵՆՔ ԵՆՔ՝ երեխաներս։ Տոհմածառը ցույց է տալիս, թե ովքեր են մեր արմատները։

4. Ինչպե՞ս պատրաստել քո սեփական Տոհմածառը (Քայլ առ քայլ)

Դե ինչ, պատրա՞ստ ես դառնալ քո ընտանիքի պատմաբանը։ Վերցրու թուղթ, մատիտներ և հետևիր այս պարզ

քայլերին․

Քայլ 1 (Հարցրու մեծերին)․ Մոտեցիր մայրիկին, հայրիկին կամ տատիկ-պապիկներին և հարցրու նրանց, իրենց ծնողների ու պապիկների անունները։

Քայլ 2 (Նկարիր ծառը)․ Մեծ թղթի վրա նկարիր հաստ բուն և շատ ճյուղեր ունեցող գեղեցիկ ծառ։

Քայլ 3 (Նկարիր ՔԵԶ ու քո քույրիկ-եղբայրներին)․ Ծառի ամենավերևի ճյուղերին նկարիր քեզ ու քոքույրիկներին կամ եղբայրներին, գրիր ձեր անունները։

Քայլ 4 (Ավելացրու ծնողներին)․ Ձեր ճյուղերից մի փոքր ներքև նկարիր մայրիկիդ ու հայրիկիդ, գրիր նրանց անունները։

Քայլ 5 (Ավելացրու տատիկներին ու պապիկներին)․ Ծառի բնին ավելի մոտ նկարիր մայրիկիդ ծնողներին (մայրական տատիկ ու պապիկ) և հայրիկիդ ծնողներին (հայրական տատիկ ու պապիկ)։

Քայլ 6 (Զարդարիր)․ Գունավորիր ծառի տերևները կանաչով, իսկ բունը՝ շագանակագույնով։ Կարող ես նաևփոքրիկ լուսանկարներ փակցնել անունների կողքին։
Կարող ես նաև որևէ համակարգչային ծրագրով անել։

Հարցաշար-ամփոփում

Կարդա՛ տեքստը և պատասխանի՛ր հետևյալ 5 հարցերին․

1. Ովքե՞ր են մտնում մեր գերդաստանի մեջ։

2. Ի՞նչ է նշանակում հայկական ազգանունների վերջում ավելացող «յան» մասնիկը։

3. Ի՞նչ է տոհմածառը և ում ենք նկարում ծառի ամենավերևի ճյուղերին։

4. Ո՞վ կարող է քեզ օգնել իմանալու քո մեծ պապիկների ու տատիկների անունները։

5. Ի՞նչ նոր բան իմացար քո ընտանիքի կամ ազգանվան մասին այս նյութը կարդալուց հետո։

Արտագնա պարապմունք Երևանի պատմության թանգարանում

Ճամփորդության վայր՝ Երևանի Կենտրոն վարչական շրջան,Երևանի պատմության թանգարան

Օր՝  հոկտեմբերի 12, մեկնում՝ ժամ՝ 12։00` Յուրի Բաշխյան այգուց

Վերադարձ՝ ժամ 15։00

Պատասխանատուներ` Անի Ենգոյան,

Երթուղի՝Յուրի Բաշխյան այգի—Իսակովի պողոտա-Հաղթանակի կամուրջ- Արգիշտի փողոց

Հեռավորությունը՝ 8,5 կմ, 19 րոպե 

Հոկտեմբերյան մանկավարժական 19-րդ բաց հավաք

Մասնակիցներ՝ Արևմտյան դպրոցի 5.3- դաս. սովորողներ

Նախագծի նպատակը՝

• Հայրենագիտության արտագնա պարապմունք։ Երևան քաղաքի թանգարանները,  «Ճանաչենք այցելելով» նախագծերով Ճանաչում ենք մեր մայրաքաղաք Երևանը նաև այսկերպ: Նախագծի շրջանակում սովորողների մոտ Երևան քաղաքի մասին գիտելիքների ամրապնդում, նոր հետազոտական աշխատանքներ բլոգներում, ծանոթացում Երևան քաղաքի պատմությանը:Ճամփորդության  ընթացքում մասնակցելու ենք նաև ուսուցողական  3D խաղին։

Նախապատրաստական աշխատանքներ՝

• Հայրենագիտության դասաժամերին աշխատել ենք հետևյալ նախագծերով ՝ Իմ բնակավայրը, Հայաստանի մայրաղաքները։
• Բլոգներում կատարել ենք հետազոտական աշխատանք, հավաքել ենք տեղեկություններ Էրեբունի բերդաքաղաքի մասին, Արգիշտի Առաջին, Երևանի պատմության թանգարանի մասին։

Արդյունք՝ 

• ուսուցողական  3D խաղին մասնակցուցություն
• Այցելություն թանգարան, ուսումնական արտագնա պարապմունք
• Ծանոթություն թանգարանի նմուշներին
• Սովորղները իրենց ուսումնասիրած աշխատանքի հիման վրա ձեռք կբերեն առավել արմատական գիտելիքներ Երևանի մասին, այլընտրանքային տեղեկատվությունը և կրթական ծրագրի գործընթացը կօգնի ավելի վառ հիշել ստացած ինֆորմացիան։ 
• Օրվա մասին պատմող տեսանյութեր, ռադիոնյութեր, նկարաշարեր, տեքստային պատումներ սովորողների բլոգերում:

Մեքենա ՝

Վարորդ ՝

Մասնակիցներ՝

• Սովորողների բլոգների սպասարկում
• Սովորողների անվտանգ կենսագործունեության և ընդմիջումների կազմակերպում

• Սովորողների հաշվառում
• Մեյլերի սպասարկում
• Ծնողական համայնքի հետ աշխատանք

Ճամփորդություններ՝

• Այցելություն դեպի Կոմիտասի թանգարան

• Կոմիտասյան օրեր. նախագիծ
• Հայրենագիտական աշուն
• «Իմ ազգանվան ծագումը: Տոհմածառ»

Մասնակիցներ՝ Արևմտյան դպրոցի 4.2 դասարանի սովորողներ (առավելագույնը 25)

Պատասխանատուներ՝Անի Ենգոյան

Վայրը՝ Կոմիտասի թանգարան-ինստիտուտ

Ժամկետը՝ հոկտեմբեր 7 9:30-12:30

Ծրագիր՝   «Սարյան և Կոմիտաս»․ կրթական ծրագիր, որը իրականացվում է Սարյանի տուն -թանգարանի համագործակցությամբ

Նպատակը՝ Կոմիտասյան օրեր նախագծի շրջանակներում սովորողը առավել մանրամասն կծանոթանա Կոմիտասի կյանքին և ստեղծագործական գործունեությանը, կբացահայտի Կոմիտասյան երաժշտության առանձնահատկությունները ։

Նախապատրաստական աշխատանքներ՝

Սովորողները համացանցից և գրքերից տեղեկատվություն կհավաքեն Կոմիտասի մասին, կծանոթանան ստեղծագործություններին առավել մանրամասն։ Դասերի և երկարացված օրվա ընթացքում կուսումնասիրեն Կոմիտասի ստեղծագործական կյանքը ֆիլմերի, ուսումնական նյութերի միջոցով։

Ընթացքը՝

• Ծրագիրն իրականացվում է Կոմիտասի թանգարան ինստիտուտի և Մարտիրոս Սարյանի տուն — թանգարանի համագործակցությամբ: Ծրագրի շրջանակներում կներկայացվեն Սարյանի և Կոմիտասի ՝ազգային արվեստ ստեղծելու ընդհանուր սկզբունքները, կցուցադրվեն նկարչի այն գործերը, որոնք նա ստեղծել է կոմիտասյան հնչյունների ներքո: Ապա մասնակիցները ևս կլսեն կոմիտասյան այդ գործերը և զուգահեռաբար կնկարեն:

• Կերգենք Կոմիտասյան երգեր
• Բակում կանենք ֆլեշմոբ

Արդյունք՝ Երեխաները իրենց ուսումնասիրած աշխատանքի հիման վրա ձեռք կբերեն առավել արմատական գիտելիքներ Կոմիտասի մասին, այլընտրանքային տեղեկատվությունը և կրթական ծրագրի գործընթացը կօգնի ավելի վառ հիշել ստացած ինֆորմացիան։ 

Արդյունքում՝ օրվա մասին պատմող տեսանյութեր, ռադիոնյութեր, նկարաշարեր, տեքստային պատումներ սովորողների բլոգերում:

Ճամփորդության ծախսեր՝ճանապարհածախս, տոմսի արժեք՝ 1500 դրամ:

Մասնակիցներ՝

• Սովորողների բլոգների սպասարկում
• Սովորողների անվտանգ կենսագործունեության և ընդմիջումների կազմակերպում
• Սովորողների ուղեկցում
• Սովորողների հաշվառում
• Ծնողական համայնքի հետ հաղորդակցվում

Նախագծեր՝

• Հայաստանը մեր հայրենիքն է
• «Հայաստանն իմ աչքերով․ հայրենիքում իմ սիրելի անկյունը»
• Մեր լեզուն Հայերենն է

• Հատուկ կարիքով սովորողի փաթեթ

Այլ աշխատանք

• Դասասենյակի պատասխանատու
• Հեռավար  ուսուցում

Յուրաքանչյուր ժողովուրդ ունի իր մայրենի լեզուն, որով նա խոսում է, գրում, հաղորդակցվում։ Հայերի մայրենի լեզուն հայերնն է։ Հայոց լեզուն աշխարհի հնագույն և հարուստ լեզուներից է։ Այն անցել է զարգացման բազմադարյան ուղի։ Հայերենի այբուբեն կամ հայոց գրեր, հայերենի գրերի համակարգը, որը ստեղծվել կամ շատ դեպքերում ասում են՝ վերականգնվել է Մեսրոպ Մաշտոցի կողմից, որպես թվական նշում են  405-ը։ Հայերեն գիրը ստեղծողի անունով հաճախ անվանվում է նաև մեսրոպյան գիր կամ մեսրոպյան այբուբեն։ Մաշտոցյան գրերից գյուտից հետո գրավոր հայերենն անցել է երեք փուլ ՝ գրաբար, միջին հայերեն և աշխարհաբար։ Աշխարհաբար հայերենը շարունակեց զարգանալ երկու ճյուղով, այդ պատճառով մենք այսօր ունենք երկու գրական լեզու ՝ արևելահայերեն և արևմտահայերեն։

Ուշադի՛ր կարդացեք այս երկու բանաստեղծությունների հատվածները․

Ինչո՞ւ ապշած են, լըճա՚կ,
Ու չեն խայտար քու ալյակք,
Միթե հայլվույդ մեջ անձկավ
Գեղուհի մը նայեցավ։

Պետրոս Դուրյան

Ես իմ անուշ Հայաստանի արևահամ բարն եմ սիրում,
Մեր հին սազի ողբանվագ, լացակումած լարն եմ սիրում,
Արնանման ծաղիկների ու վարդերի բույրը վառման,
Ու նաիրյան աղջիկների հեզաճկուն պա՛րն եմ սիրում։

Եղիշե Չարենց

Ի՞նչ նմանություններ և տարբերություններ եք տեսնում։

Երկու բանաստեղծություններն էլ հայերեն են, սակայն դրանցից առաջինը հյուսված է արևմտահայերենով, իսկ երկրորդը ՝ արևելահայերենով։ Հայոց պատմությունը այնպես է ընթացել, որ մի որոշ ժամանակ մեր հայրենիքը բաժանված է եղել երկու մասի ՝ Արևմտյան և Արևելյան։ Արևելյան Հայաստանում ձևավորվեց արևելահայերենը, իսկ Արևմտյան Հայաստանում արևմտահայերենը։

Բլոգում պատասխանել հարցերին ՝

• Ո՞ր թվականն է նշվում որպես հայոց գրերի գյուտի տարեթիվ։
• Ո՞րն է հայերենի զարգացման առաջին գրավոր փուլը։
• Ո՞ր երկու հիմնական ճյուղերի բաժանվեց աշխարհաբարը։