Հայրենագիտություն ընտրությամբ գործունեություն

«Մխիթար Սեբաստացի» կրթահամալիր
«Հայրենագետ-հայագետներ» ակումբ
Արևմտյան դպրոց, 4-5-րդ դասարանի սովորողներ
Համակարգումը՝ Անի Ենգոյան

Անցկացման օրեր՝ երեքշաբթի, հինգշաբթի

Սովորողն իր ընտրությամբ բաղադրիչը շաբաթական 4 ժամ իրականացնում է մաթեմատիկոսի,
հայրենագետի, մարզիկի, բուսաբան-կենդանաբանի, պարտիզպան-այգեգործի, դիզայների,
քանդակագործի, մետաղի-քարի գեղարվեստական մշակման, թատերական, ինժեներատեխնիկական
ստեղծագործության, կինո-ֆոտո, երաժշտական (սոլֆեջիո, երաժշտական կոմպոզիցիա)
գործունեություն։

Գործունեությունը կազմակերպվում է 12-22 հոգիանոց խմբերով:

«Հայրենագետի ընտրությամբ գործունեությունը» սովորողի ընտրովի դասընթացն է, որի նպատակը ուսումնական ճամփորդությունների, ազգային տոների-ծեսերի կազմակերպման, ուսումնական նախագծերի միջոցով սովորողին հայրենաճանաչ դարձնելն է, իր, ընտանիքի, շրջակա միջավայրի, տարածաշրջանի, ազգայինի վերաբերյալ գիտելիքների յուրացումն է, շրջապատող միջավայրի վրա մարդու ներգործող դերը դիտարկելու գիտելիքի յուրացումն է, ազգային և հասարակական արժեքների, իր ժողովրդի մշակույթի, սովորությունների հանդեպ հարգանքի ձևավորումը: Հայրենագիտության դասընթացի ծրագիրն կոչված է սովորողների մոտ ձևավորել հետաքրքրասիրությունը և զարգացնել երևակայությունը, ստիպում մտածել`ո՞վ եմ ես, որտեղի՞ց եմ, որտե՞ղ եմ ապրում, ի՞նչ է ինձ շրջապատում, ինչպիսի՞նն է իմ անցյալը և ամենակարևորը՝ սկսել մտածել՝ ո՞ւր եմ գնում, ի՞նչ պետք է անեմ իմ հայրենիքի համար, իմ բնակավայրի, ինքս ինձ համար, իմ ընտանիքի համար, իմ ընկերների համար: Դասընթացն ապահովում է ուսումնական և գործնական հմտությունների, կարողությունների`հետազոտելու, զննելու, դիտարկելու, փորձարկելու ձևավորում:

խնդիրները.

ծանոթացնել սովորողներին իրենց հայրենիքին, մշակութային արժեքներին, ծեսերին, բնությանը, էկոլոգիային և հենց տվյալ ժամանակամիջոցում արդի խնիրներին, որոնք կապ ունեն իր, իր հայրենիքի, բնակավայրի հետ(կլինի էկոլոգիական, բնապահպանական, ճարտարապետական…)
պատկերացում տալ մեր ժողովրդի ստեղծած հոգևոր արժեքների, «Սասնա ծռեր» էպոսի, հին հայկական առասպելների, հեքիաթների, ավանդազրույցների մասին.
ձևավորել հոգատար վերաբերմունք իր միջավայրի, իր փոքր հայրենիքի (մարզ, քաղաք, գյուղ, թաղ), մշակութային արժեքների նկատմամբ.
սովորողների մեջ ձևավորել ու զարգացնել ճանաչելու, հաղորդակցվելու, ուսումնասիրելու, պահպանելու, պաշտպանելու կարողություններ ու հմտություններ.
ձևավորել որոնողական աշխատանք կատարելու, աշխատանքը դիտարկելու, համակարգելու կարողություններ և խմբով աշխատելու հմտություններ.
ծանոթացնել բնապահպանական խնդիրներին հատկապես արդի ժամանակներում
ճանաչել նշանավոր հայ արվեստագետների, հայագետների, մշակութաբանների հին ու նոր ժամանակների
արձագանքել երկրում տեղի ունեցող կարևոր մշակութային և պատմական, ճարտարապետական իրադարձություններին

սկզբունքները՝

հայրենաճանաչությունը
մշակութային արժեքները յուրացնելու և հաջորդ սերնդին փոխանցելու կարողությունների ձեռքբերումը(փաթեթների ստեղծում)
բնապահպանությունը

Նպատակը՝ հայրենաճանաչ սովորող, հայրենիքի բնությանը, մշակույթին տեղյակ, այն փոխանցելու ունակ սովորող(տարիքային առանձնահատկությունները հաշվի առնելով), հայրենիքը մանրամասն սիրելու հնարավորություն՝ ընկերների և դասավանդողների հետ, ընտանիքի անդամների հետ: Վատ սովորություններից հրաժարում՝ հայրենի բնությանը ավելի մոտ գտնվելու և այն խնամելու կարևորության գիտակցում: Որոնող, համեմատող, վերլուծող սովորող, ով մեդագրագետ է և կարողանում է տարբեր աղբյուրներից ինֆորմացիան խմբավորել, մշակել: Ազգային արժեքները գնահատող, ինքնակրթվող և զարգացող քաղաքացի:

Ուսումնական միջավայր

Ուսումնական հայրենագիտական կաբինետ ( անխափան անլար ինտերնետ կապով, ընթերցասրահ, դահլիճ, սրահ, բակ, վերնատուն)
Ուսումնական թանգարաններ
Մեկօրա-բազմօրյա արշավների կայանատեղիներ
Սովորողի դպրոցը, բակը, քաղաք, գյուղը
Արատեսի դպրական կենտրոնը
Կրթահամալիրի Խաղողի-գինու դպրոցը
Քոլեջի արշավախմբային կայանը
դասավանդողի, սովորողների անհատական թվային գործիք, տեսագրող, ձայնագրող, լուսանկարող թվային միջոցներ
ուսումնական անհատական թվային միջոցներ /նոթբուք, նեթբուք, պլանշետ/, ֆոտոխցիկ, ձայնագրիչ
անհատական համակարգչում /նոթբուք, նեթբուք, պլանշետ/ դասընթացի ծրագրով
որոշված համակարգչային ծրագրեր, ուսումնական մեդիագրականություն
դասավանդողի, սովորողի, դասարանի անհատական ուսումնական բլոգներ, ուսումնական բլոգում՝ համապատասխան բաժիններ

Ընտրությամբ գործունեության նպատակը՝ սովորողների մոտ հայագիտական, հայրենագիտական, ճամփորդական, հողագործական, գյուղատնտեսական հմտությունների ձեռք բերումն ու զարգացումն է:
Այս ամենի համար միջավայր է ծառայելու ինչպես կրթահամալիրը, այնպես ողջ ՀՀ-ն:

Նախագծեր՝
«Երևան»

«Ուրվական դարձող Երևան»

«Իմ թաղը»
«Ազգային խոհանոց, ծեսեր»
«Երևան քաղաքի թանգարանները. նախագիծ»

«Ճարտարապետություն»

«Հայ կերպարվեստի խոշորագույն ներկայացուցիչները»

« Կինը՝ արվեստում…»

«Ազգային փոքրամասություններ»
«Հայը»