Սովորող–սովորեցնող նախագիծի շրջանակում, մեր ավագ ընկերների հետ ազգային խաղերը շատ հետաքրքիր ու հիշվող էին։ Ավագ դպրոցի մեր ընկերները ոչ միայն պատմեցին խաղերի մասին, այլև անմիջապես ներգրավեցին կրտսերներին խաղի մեջ։
Խաղում էին, ծիծաղում ու սովորում իրարից։ Ավագները ոգևորում էին, իսկ կրտսերները փորձում էին արագ հասկանալ ու մասնակցել։ Մթնոլորտը լի էր դրական էներգիայով։
Ձմեռային ճամբարի ընթացքում ընկեր Ջուլիետայի հետ իրականացրեցինք այս սիրված նախագիծը։ Երեխաները մեծ սիրով իրենց ձեռքերով պատրաստեղին փափուկ խաղալիքներ։ Տարբեր նյութերից պատրաստեցինք ձեռագործ խաղալիքներ՝ կիրառելով մեր երևակայությունն ու ստեղծագործական կարողությունները։
Նախագծեր՝
Ձմեռային ճամբար-10-րդ ջոկատ
Ճամփորդություն ՝
Այլ աշխատանք
Ազգային գաթայի պատրաստումը դարձավ ջերմ ու հետաքրքիր խոհանոցային գործունեություն։ Մենք միասին ծանոթացանք գաթայի պատրաստմանն օգտագործվող բաղադրիչներին և նշանակությանը մեր ազգային խոհանոցում։
Ճամբարականները ակտիվ մասնակցեցին՝ խմորը հունցեցին, ձևավորեցին գաթան և սովորեցին աշխատել միասին։ Գործընթացը լի էր ոգևորությամբ ու հաճելի սպասումով, իսկ վերջում բոլորը վայելեցին իրենց պատրաստած համեղ գաթան։
Այս անգամ մեզ այցելել էին Քոլեջի մի խումբ սովորողներ։ Նրանք ներկայացրին Canva ծրագիրը, խոսեցին այդ ծրագրի առավելությունների մասին։ Ճամբարականների ոգևորությունը անկարագրելի էր։ Չէ որ մենք շա՜տ ենք սիրում սովորել նոր ծրագրեր։
Հանդիպումից հետո մի խումբ ճամբարականներ սկսեցին ոգևորությամբ և ինքնուրույն կիրառել նոր յուրացրած ծրագիրը։
Շատ ուրախ, ձյունառատ օր էր այսօր։ Ջրվեժի անտառպարկում բնությունը սպիտակ հեքիաթ էր նկարել մեզ համար։ Գնացինք ու հայտնվեցինք այդ հեքիաթում։ Ամեն մեկս դարձանք մի հերոս և ուրախ իրադարձություններով լցրեցինք օրը։
Օրը հրաշալի էր և հագեցած․․․
Ձմեռային մարզական խաղերի մեկնարկը տրվեց։ 10-րդ ջոկատի ճամփորդությունը եղավ Ի․ Ռոդնինայի անվ․ գեղասահքի դպրոց։ Ճամբարականների մեծ մասը սառույցի վրա առաջին անգամ էր և ոգևորությունը անբացատրելի էր։ Կարծես մեր ճամփորդությունը վերածված լիներ սովորող-սովորեցնող նախագծի, որտեղ մեկ երկու ճամբարական օգնում էին իրենց իսկ ընկերներին սառույցին ճիշտ տիրապետել։ Հրաշալի և աննկարագրելի օր ունեցանք։
Անի Ենգոյան 